May Minamahal

by Agot Isidro

May minamahal.  Bawat taong may damdamin Ay may minamahal. Tulad mo at tulad ko Nakadama sa isa’t isa ng pag-ibig, At ngayo’y nagmamahalang ng tapat.

Pag nagmamahal, Bawat sandaling kasiping ka’y anong bilis.  Bawat oras ay mayro’ng kasaysayang anong sarap, Anong tamis. Maligaya nga ang taong nagmamahal.

Kaya’t ako’y napaligaya Ng tunay mong pagmamahal. Ang lahat ng kagandahan ay nasa ‘yo:  Ningning ng mata, Lambot ng labi, At ugaling walang kapintasan, nababalot ng alindog at tuwang tunay.

Pag minamahal, Kulay rosas ang paligid ko sa t’wi-t’wina.  Nakayapak sa ulap.  Buong mundo’y nagagalak Na mayroong Nagtatalik na dal’wang pusong nagmamahal.

Kaya’t tayo’y magpasalamat Sa ating kapalaran.  Nasa atin ang kaganapang hinahanap Ng bawat nilalang Na may puso rin Dahil tayo’y hindi magbabago Hanggang may buhay.

Kaya’t habang may pag-asa kayo, Humanap ng pag-ibig na totoo.  Saka lang liligaya Kung mayro’n nang tunay na minamahal.

Back to Song Index